استجاب الرئيس عبدالفتاح السيسي، لحالة السيدة ناهد «سائقة التروسكل»، قائلًا: «أنا مقدرش أشوف الست ناهد من غير ما أتصل وأبلغها احترامي واعتزازي وألمي إن يبقى في 5 بنات بتجري عليهم كدا”
وقال السيسي، في مداخلة هاتفية لبرنامج «من مصر» المذاع عبر فضائية «cbc»، مساء الأحد، إن «بناتها الخمسة بحاجة إلى رعاية، خاصة لأنهم سيصبحون في المستقبل مسؤولين عن خمس أسر”
وأضاف أنه سيتم تدبير كل شيء تحتاج إليه السيدة ناهد، متابعًا: «إحنا بندبر ده لأنك تستحقي كل خير.. وكل ست تعمل كده تاج على رأسنا وتشرفنا”
وناشد الرئيس عبدالفتاح السيسي، كل المسؤولين في مصر الاهتمام بالمواطنين، قائلًا: «من فضلكو خلوا بالكم من أهلكم وعرضكم.. الست عرض وإحنا مسؤولين عنها”
وعقب: «أنا اللي بطوله مبستناش، لكن فيه ناس كتير مبطولهاش، معرفهاش ومسمعش عنها.. اللي بيسمع ليعمل ليقولي وأنا أعمل”
ووجه رئيس الجمهورية رسالة للمواطنين، قائلًا: «والله أنا بتمنى أعمل كل حاجة حلوة لمصر خصوصا الناس اللي ظروفهم صعبة”
وتابع: «إحنا دولة مش غنية لكن على الأقل قلوبنا وإرادتنا إن ربنا سبحانه وتعالى يعينا إننا نقدم لهم قد ما ربنا يقدرنا».
Powered by